Edhe me formulën e re të votimeve, që përfshin publikun dhe jurinë përveç artistëve, hatërmbetjet janë të pashmangshme. Ardit Çuni, i cili kishte një nga këngët më të dëgjuara të këtij edicioni, thumboi publikisht – madje e etiketoi – Eneda Tarifën, fituesen.
Më datë 20 nëntor, para se të filmoheshin votimet e artistëve, Arditi dhe Eneda bënë një video bashkë, ku ajo i komplimenton këngën. Sidoqoftë, në votat e saj, nuk i dha asnjë pikë Çunit, ndërsa ky i fundit i dha 24.
“Kur miqtë e tu të dashur të lajnë e të lyejnë dhe në fund të japin 0 pikë në ‘Këngë Magjike’ Ah, mikja ime, sa keq më vjen për ty dhe prë fletën tënde të votimit, kushdo ta ketë plotësuar,” shkruan Çuni.
Duke parë renditjen përfundimtare, pikët e Enedës nuk do t’i kishin bërë ndonjë nder të madh, pasi kishte vetëm 338 pikë, por për të, rëndësi ka mendimi.