Pallate të shembur, banesa të rrënuara, gjithçka në tokë. Është kjo situata dramatike që ka lënë pas, tërmeti i fuqishëm që goditi sot vendin mëngjesin e sotëm.
Një tërmet i fuqishëm 6.3 ballë ka goditur vendin, ndërsa zyrtarisht 13 persona kanë humbur jetën, mes tyre 2 fëmijë. Ndonëse ende nuk ka një bilanc të saktë, raportohet se nën rrënoja ka ende njerëz.
Epiqendra e tërmetit ishte në afërsi të qytetit të Durrësit dhe 32 kilometra nga Tirana, ndërkohë që dëmet më të mëdha janë shkaktuar në qytetin bregdetar.
Më poshtë keni pamjet pas tërmetit shkatërrues që goditi vendin tonë.
