Danilo ndërroi jetë më 4 shtator, ndërsa po luante futboll me babanë e tij në fushën brenda shtëpisë, ku familja jeton në Alphaville.
Në një intervistë për revistën “Veja”, kampioni botëror deklaroi: “Ende nuk e kam përtypur faktin që varrosa një djalë. Unë shkoj në varreza çdo pesë ditë, nuk kam pasur guxim e zemër të hyj në dhomën e tij, kurrë nuk u futa përsëri në fushën ku ndodhi gjëma.
Të varrosësh fëmijën është dramë e madhe, ndryshon nga konteksti i përgjithshëm i gjithçkaje që ndien gjatë gjithë jetës. Djali tjetër, Wellington, ka hyrë në dhomën e tij deri më tani, mblodhi gjërat dhe i dhuroi të gjitha. Nuk e di si ta përshkruaj dhimbjen e madhe të hedhjes së dheut mbi arkivolin e një fëmije, duke ditur që ai kurrë nuk do të kthehet (qan me lot). Vdekja e fëmijës e shoqëron babain dhe nënën për gjithë jetën.