Partia Demokratike ka bërë publike sot dokumentet zyrtare nga Prokuroria e Përgjitshme, në lidhje me kandidatin e Ramës në bashkinë e Vorës, Agim Kajmaku.
Nga hetimi i akuzës, është provuar se Agim Kajmaku dhe Jorgo Toto janë i njëjti person. Jorgo Toto (Agim Kajmaku) ka qenë i arrestuar në Greqi dhe ndaj tij ka pasur një proces të hapur penal.
Por në formularin e dekriminalizimit, Kajmaku e ka fshehur këtë fakt, duke deklaruar se nuk ishte arrestuar ndonjëherë jashtë shtetit.
Por Interpol Athina ka konfirmuar se Kajmaku dhe Toto janë i njëjti person.
Pas provave, mësohet se nga njësia e dekriminalizimit do të bëhet kallëzim në prokurorinë e Tiranës dhe dokumentet do të dorëzohen në KQZ sipas ligjit për dekriminalizimin.
Pas këtyre hapave, për Agim Kajmakun do të hapet një tjetër hetim, për fshehjen e të dhënave. Sipas ligjit të dekriminalizimit, nëse një zyrtar fsheh të dhënat, përveç shkarkimit mund të dënohet deri në 4 vite burg.
Më poshtë keni dokumentet e bëra publike nga PD:
