Vendimmarrje personale dhe e pa konsultuar me qytetarë dhe ekspertë është cilësuar firmosja e Minishengenit Ballkanik nga Kryeministri Edi Rama në Novi Sad të Serbisë.
Të organizuar në një tryezë mbi këtë çështje intelektualë dhe historianë thanë se lëvizja e kreut të qeverisë nuk duhet të bëhej pa pjesëmarrjen e Kosovës.
Aulon Kalaja: “Na u tha se do të bëhej një Minishengen për lëvizjen e lirë, por në këtë tyrezë nuk ishte shteti i Kosovës. U fol për heqjen e barrierave doganore, por nga ana tjetër kemi taksën 100% që është në fuqi mes shtetit të Kosovës dhe Serbisë”
Pjesëmarrësit lanë të hapur mundësinë për tryeza të tjera periodike apo edhe protesta për të shprehur kundërshtinë e tyre ndaj kësaj lëvizje të Kryeministrit Rama.
