Ka pasur një moment tensioni në Kuvend mes zv.kryeministrit Erion Braçe dhe deputetit Ralf Gjoni, me këtë të fundit që shkoi të zaptonte foltoren, ndërsa ishte duke folur Eduard Shalsi.
Për shkak të momenteve të tensionuara kryuesuesja e seancës Vasilika Hysi vendosi pushim për disa minuta.
Pavarësisht se nuk kishte mikrofon Braçe dëgjohej duke i bërtitur Gjonit me fjalët ‘’çfarë të kam vjedhur unë ty, ç’a të kam vjedhur unë ty?!”.
Gjoni, i cili pretendon se ka në dorë frerët e opozitës parlamentare, e ka shtuar ndjeshëm tonin e zërit në Kuvend, teksa akuzon qeverinë e Edi Ramës që po rrjep shqiptarët.