Presidenti Ilir Meta ka folur për herë të parë në lidhje me presionet që mund të ketë pasur për të anuluar zgjedhjet e 30 qershorit.
Meta i ftuar në Syri Tv, tha se nuk është presionuar nga askush as nga faktorë të jashtëm dhe as të brendshëm, por ka zbatuar vetëm ligjin.
A është e vërtetë që keni ndjerë presion nga Gjermania për dekretin e 30 Qershorit?
Së pari e kam bërë të qartë unë nuk trysnohem as brenda dhe as jashtë as nga fuqi madhore bërthamore përvecese nga përgjegjësië që kam si President i Republikës përpara shqiptarëve. Nuk ka asnjë lidhje me asnjë faktor të huaj. Ka lidhje vetëm me situatën që ishte vendi. Jemi një vend që duhet të anëtarësohet në Bashkimin Evropian. Ku garantimi i zgjedhjeve të lira është një kusht i panegociueueshëm. Edhe pa këtë raport të OSBE kishim problem. Kishim problem me dosjet që kishim prej vitesh ku nuk është marrë asnjë hetim serioz.
