Shtetet e Bashkuara e kanë akuzuar zyrtarisht Kinën si një “manipuluese të monedhave”, një deklaratë kjo e cila pritet të intensifikojë tensionet midis dy ekonomive më të mëdha në botë. Njoftimi i bërë nga Departamenti i Thesarit të SHBA-së, pason një rënie të mprehtë të vlerës së juanit kinez kundrejt dollarit.
Javën e kaluar, Kina u zotua se do të hakmerret pasi presidenti i SHBA-së, Donald Trump, tha se do të vendosë tarifa shtesë ndaj importeve kineze. Departamenti i Thesarit përcakton manipulimin e monedhës, kur vendet ndikojnë qëllimisht në kursin e këmbimit midis monedhës së tyre dhe dollarit amerikan, për të fituar “avantazh konkurrues të padrejtë në tregtinë ndërkombëtare”.
Një juan më i dobët i bën eksportet kineze më konkurruese, ose më të lira për tu blerë me valutat e huaja.