Regjisori dhe aktivisti i Mbrojtjes së Teatrit, Robert Budina, teksa ka komentuar përplasjen e ndodhur dje në sheshin e Teatrit Kombëtar u shpreh i vendosur për qëndresën e artistëve në mbrojtje të Teatrit Kombëtar.
Budina theksoi rëndësinë e marveshjes me opozitën dhe e cilësoi atë të të gjithë popullit.
“Kontrata ka rëndësinë e vetë, normalisht dhe ne e shohim këtë gjë me prioritet. Në 1 vit e gjysmë në protestë mbështetja e PD është rritur e pikërisht për këtë ne kemi shkuar më tej në kërkesat tona në një bashkëpunim kështu më të frytshëm. Konkretisht kërkimin e një kontrate të tillë. Vërtetë ajo është një kontratë e nënshkruar me pjesëtarët e Aleancës por në koncept ajo është e nënshkruar me të gjithë popullin.”
Poashtu Budina ka komentuar dhe prezencën e shtuar të policisë.
“Policia është shtuar vetëm dje dhe kjo ka qenë për një arsyje të thjeshtë. Si fillim erdhën disa punëtor të TK për të tërhequr placket dhe ne u kemi kërkuar urdhër dhe ata nuk e kishin. E pikërisht pas kësaj policia ka ardhur në mbështetje të punonjësve të cilët kishin qëllim zbrazjen e Teatrti Kombëtar. Kjo ishte arsyeja pse ditën e djeshme kishte polici të shtuar.
Unë dua të them që më të dhunshëm u tregua policia private se sa Policia e Shtetit. Policia i ka ndaluar veprimet e saj në mënyrë të menjëhershme kur është paraqitur Lulzim Basha e pas kësaj policia ka bllokuar të gjitha hyrjet e Teatrti Kombëtarë.”