Pavarësisht momenteve të nxehta që po kalon politika, për të sfiduar temperaturat e larta Kreu i Shtetit, Ilir Meta ka zgjedhur sërish detin.
Përmes një video disa minutëshe të publikuar në profilin e tij në Facebook, Presidenti Ilir Meta shfaqet duke notuar në det, ndërsa nuk kursen një këshillë për ndjekësit e tij.
“Të dashur miq, më mirë në det se sa në pishinë”,- thotë ai, duke e cilësuar këtë edhe si moton e ditës.
Një ditë më parë, Presidenti postoi një tjetër foto buzë detit, teksa dukej sikur po ecte.
Nuk dimë nëse i pari i shtetit ka nisur zyrtarisht pushimet, apo ka përfituar vetëm nga fundjava, por dimë që të hënën Kuvendi pritet të mblidhet posaçërisht për ngritjen e një komisioni hetimor për shkarkimin e tij.
