U përfol ditën e sotme se kreu i KQZ-së Klement Zguri është kërcënuar ditën e sotme me jetë e jo vetëm ai por dhe familja e tij. Ndërkohë që sot në mbledhjen e radhës punonjësit e gardës kanë qënë të shtuar në numër, çka ka rritur dyshimet për kërcënime të tjera.
Tashmë është bërë publik mesazhi i ardhur në llogarinë e Facebook të Klement Zgurit.
“O m*t, do të vras ty edhe familjen.” Ka qenë ky mesazhi që ka marrë kryetari i KQZ-së.
Mesazhi është dërguar nga shtetasi E.Pjetrini, ndërsa zoti Zguri është marrë në mbrojtje nga Garda e Republikës për shkak të kërcënimeve që ka marrë pas votimeve të 30 qershorit.
Këtë të premte efektivë të shumtë të Gardës së Republikës janë parë në zyrën Zgurit, po ashtu dhe në ambientet e Komisionit Qendror të Zgjedhjeve.
Po ashtu mësohet se edhe familja e Klement Zgurit është marrë në mbrojtje nga forcat e rendit.
