Përplasjet e ndodhura sot në Burrel ku qytetarët kërkojnë mos zhvillimin e zgjedhjeve pa opozitën kanë lënë pas të plagosur dhe të dëmtuar.
Një protestës është plagosur rëndë nga forcat speciale. Për shkak të gjendjes së rëndë shëndetësore është dërguar me urgjencë drejtë Tiranë.Partia Demokratike njoftoi se qytetari i plagosur për vdekje është Alfred Lika.
“Alfred Lika është goditur nga Forcat Speciale, të cilat, në paligjshmëri të plotë me veprimet e tyre, i kanë shkaktuar fraktura te renda ne koke. Alfred Lika, vëllai i Kryetarit të PD, Burrel, është nisur me helikopter drejt Tiranës”,- njoftoi PD.
Plagosja e një qytetari nga forcat e policisë ka sjellë reagime të forta në qytetin e Burrelit. Duke e cilësuar si kriminale sjelljen e forcave të rendit të urdhëruara nga drejtuesit politik, përfaqësues të PD deklarojnë se qytetarët do të përgjigjen.
