Momenti i fotos së përbashkët në Samitin e Berlinit një ditë më parë, duket të ishte një moment i sikletshëm për kryeministrin Edi Rama.
Nga pamjet e publikuara nga “AFP”, duket kreu i qeverisë shqiptare që bën një intenerar më gjatë se të tjerët për të shkuar në vendin përkatës për realizimin e një fotografie. Intenerarit të ‘mundimshëm’ të Ramës i afrohet ndoshta vetëm ai i kryeministres serbe, e cila nguron për një rast e më pas gjen vendin krah Presidentit serb Aleksandër Vuçiç.
Rama prek në krah presidentin francez Emanuel Macron, i cili duket totalit i painteresuar prej gjestit, më pas kalon para kancelares gjermane Angela Merkel, e cila gjithashtu duket se nuk e vë re kryeministrin tonë shtatlartë. Ajo është e përqendruar te Mogherini, duke e ftuar të pozojë në të majtë të saj.
Rama kalon pas Merkelit, më tek bën të njëjtën manovër me një tjetër lider si në rastin e Macron, por edhe ky i fundit duket i pavëmendshëm ndaj prekjes së Ramës. Më tej, pozicionet në vendin përkatës dhe sajon një buzëqeshje për fotografinë e përbashkët.
