Kryeministri Edi Rama është i pranishëm sot në fshatin Rrajcë, të Elbasanit, ku edhe po prezantohet projekti për ujin.
Ky prezantim nuk është pritur edhe aq mirë nga banorët e zonës. Siç duket në fotot e siguruara, banorët në shenjë protestë kanë bllokuar rrugën në hyrje të Bashkisë Librazhd.
Protestuesit kanë tentuar të bllokojnë lëvizjen e eskortës dhe kryeministrit, por policia ka ndërhyrë duke krijuar normalitet ne qarkullim. Më pas protestuesit janë shpërndarë paqësisht dhe nuk janë shënuar incidente të tjera.
