Elisa Spiropali është vënë në vështirësi nga gazetari Ilir Babaramo gjatë emisionit “5 pyetjet”, lidhur me ngjarjen e rëndë të ditës së djeshme të “Petro Nini Luarasi”, dhe shkarkimin e drejtorit të policisë së Tiranës.
Spiropali nuk ka ngurruar të përdorë edhe vajzën e saj të vogël për të dalë nga situata.
Më konkretisht Spiropali duke folur për ngjarjen tha: Megjithate, dita u mbyll ne lartësinë e ambicies sone per shtetin dhe Policine e Shtetit, me largimin e drejtuesit te policise se Tiranes.
Spiropali e “vlerësoi” edhe qëndrimin e mbajtur për ngjarjen nga Ministri i Brendshëm.
Por në këtë moment ka ndërhyrë Babaramo, i cili i kujtoi Spiropalit se Drejtori i Policisë së Tiranës ka disa ditë që është shkarkuar dhe largimi i tij nga detyra nuk ka lidhje me ngjarjen e sotme.
Spiropali, e zënë ngushtë, është “ankuar” duke thënë se gazetari nuk po e linte të fliste dhe se ajo kishte ardhur në emission ndërkohë që kishte lënë në shtëpi vajzën e saj të vogël!
Kur dihet tashmë publikisht se Kastriot Skënderaj ka 3 ditë i shkarkuar, Spiropali vijon propagandën e qeverisë dhe mediave pranë saj, të cilat po mundohen “ta shesin” shkarkimin e tij, si “reagim të fortë”, të Ministrit Lleshaj dhe qeverisë për ngjarjen tronditëse të ditës së sotme.