Analisti Andi Bushati i ftuar në emisionin “Të Paekspozuarit”, ka folur për rrezikun që i kanoset pushtetit të Edi Ramës, nga raportimet e mediave të huaja, të cilat sa vijnë e shtohen, si pasojë e aksionit radikal të opozitës.
“Kam kuptuar se kemi të bëjmë me një europë të dy shpejtësive. E para është e burokratëve dhe ambasadorëve, të cilët i qëndrojnë besnikë raporteve që ju çojnë eprorëve.
Ka dhe nje Europë të shpejtësisë tjetër, ajo e shtypit, që identifikon problemet dhe vendos gishtin mbi plagë.
Edhe pse ndërkombëtarët në vitin 1996 e mbështetën Berishën, doli një shkrim nga Andreë Gumble, për shtetin gangster.
Kancelaritë perëndimore, adoptohen me ato që thotë media.
Në 2016, ndërkohë që ambasadori Lu dhe Guardia di Finanzia, e quanin histori suksesi atë të kanabisit, dolën mediat ndërkombëtare dhe thanë ka një problem sepse këtu ka kanabis.
U desh një farë kohe që mendimi i Evropës së shpejtësisë së parë, të vinte tek mendimi i shtypit.
Sot Rama, ambasadorët i ka me vete, por kjo Evropa mediatike, po i vë re problemet.
E patë tek ZDF, dilte edhe kronika e Gjushit edhe Unaza. Rreziku është që zhurma e aktit të opozitës, po tërheq prozhektorët drejt Shqipërisë, për të parë problemet reale të vendit.
Gjithe lëvizja e Ramës, qe një operacion për të krijuar një balanci“, u shpreh Bushati.