Kreu i PD-së, Lulzim Basha, në fjalën e tij gjatë takimit në Shkodër është shfaqur ndryshe, duke treguar një histori familjare.
Basha tregon se para një viti iu desh ta shtronte në QSUT, ku u njoh edhe me rastet e infermiereve që kërkonin të largoheshin. Kreu i PD-së u shpreh se ndihej keq për largimin e tyre, ndërsa shtoi se se ai pavion do të mbetej me një infermiere.
“Një vit më parë mu desh të shtroja tim atë në një nga departamentet e QSUT-së për një ndërhyrje goxha komplekse.
Aty mora vesh se brenda majit 6 prej infermierëve do të iknin. Natyrisht më erdhi keq në planin njerëzor të largohen bashkatdhetarë, në këtë rast infermieret. U tmerrova duke menduar se si në këtë pavijon kërkohet një shërbim shumë i specializuar pa pritur do të mbetej vetëm 1 infermiere”, tha ai.