Dekani i Fakultetit të Juridikut, Artan Hoxha ka thërritur në takim disa prej studentëve, të cilëve u ka kërkuar ndëprerjen e protestës. Biseda është zhvilluar në zyrën e dekanit, ku ai shfaqet duke u bërë thirrje studentëve që të vijojnë mësimin dhe të ndërpesin bojkotin.
“Ju keni marrë peng shkollën. Jeni studentë të juridikut. Ju keni pasurinë e shkollës atje. Keni gjithë dokumentacionin. Po t’ju ndodhë gjë (dokumentave) ku do shkoni ju? Ju keni vënë fytyrën dhe emrin tuaj gjithë këtij procesi”, ka thënë Hoxha.
Ndërkohë që disa prej studentëve pretendojnë se kundërshtohen menjëherë nga pjesa tjetër sapo bëjnë thirrje për rifillim të mësimit.
