Pas rreth një orë mbledhjeje mes studentëve në ambientet e Fakultetit Ekonomik, në një deklaratë për mediat ata janë shprehur se do të vazhdojnë bojkotin e mësimit si dhe do të vazhdojnë të qëndrojnë të ngujuar në Fakultet.
“Do vazhdojmë bojkotin dhe ngujimin tonë, pasi kërkesat tona nuk janë bashkuar. Nesër të gjithë duhet të na bashkohen në protestë, pasi nuk janë plotësuar kërkesat tona. Nesër në orën 07:00 të bashkohemi sërish bashkë. Ne do shkojmë të ngujohemi tani dhe të gjithë duhet të na bashkohen”- kanë thënë studentët.
