Që prej mesnatës kanë nisur reshjet e dëborës thuajse në të gjithë Shqipërinë, duke sjellë një situatë të rëndë.
Shumë zona janë të bllokuara, ndërsa edhe rruga kombëtare drejt Gjirokastrës është e pakalueshme.
Instituti i Gjeoshkencave, Energjisë, Ujit dhe Mjedisit ka bërë parashikimin e motit për sonte dhe ditën e nesërme.
Reshjet
Sot pasdite dhe nesër priten reshje mesatare, deri lokalisht intensive në disa qarqe (siç tregohet në tabelë, respektivisht për secilin qark).
Ato do të jenë në formë dëbore në gjysmën Lindore të vendit dhe në terrenet malore. Në pjesën Perëndimore, ato do të jenë kryesisht në formë shiu (ose shi i përzier me dëborë).
