Këta dy emigrantë të paligjshëm janë dënuar për kontributin e tyre për ndërtuar një fabrikë të madhe kanabisi jashtë A14 në Swavesey të Britanisë.
Esmerald Jahelezi, 29 vjeç dhe Andrilon Mehmetaj, 31 vjeç, nga Shqipëria, u deklaruan fajtorë për prodhimin e kanabisit pasi policia sulmoi fabrikën më 11 janar të këtij viti.
Jahelezi u dënua me dy vjet burg dhe Mehmetaj me 12 muaj – dhe të dy do të dëbohen nga territori britanik pasi të kryejnë dënimin e tyre.
Por, edhe pse shqiptarë janë dënuar për përfshirjen e tyre në fabrikën e drogës, zyrtarët ligjorë thonë se më shumë njerëz mund të jenë përfshirë.
Prokurori, Gregory Wedge, tha se u zbuluan 443 bimë kanabis, me një vlerë maksimale prej vetëm 177,000 paund, pasi oficerët morën një njoftim.
Dëshmitarët treguan se dy shqiptarët kishin fjetur brenda ndërtesës.
Në gjykatë u tha se pajisjet e ndriçimit, ngrohësit, sistemet e ventilimit dhe kimikatet ishin ngritur brenda ish-stacionit të benzinës, ndërsa energjia elektrike vidhej nga rrjeti.
Arrestimet e Jahelezit dhe Mehmetajt, janë në mesin e 125 kriminelëve të vendosur përpara drejtësisë këtë vit në Cambridgeshire.
Disa nga krimet e tmerrshme të kryera në Cambridgeshire deri më tani këtë vit përfshijnë vrasjen, abuzimin e fëmijëve, shantazhin seksual, dhunën dhe kërcënimin.
/Ora News
