Protesta në zonën e Astirit vazhdon ende në ditën e saj të 25-së. Banorët paralajmërojnë se protesta do të marrë forma kolosale. Disa nga protestuesit janë arrestuar nga policia. Banorët i bëjnë thirrje qeverisë, kryeministrit, kryebashkiakut të mos luajnë me jetën e qytetarëve. Madje kanë arritur deri aty sa kërcënojnë të djegin veten me bezninë dhe nuk lejojnë që shtëpitë e tyre të prishen pa u dëmshpërblyer 100% me çmimin e tregut. Linda Protoduari, gruaja e cila ka denoncuar dy herë publikisht dhunën që sipas saj policia i ka shkaktuar në dy protesta ka edhe djalin të arrestuar Dorianin, thotë se do t’i vërë zjarrin vetes ditën kur fadromat do t’i drejtohen shtëpisë së saj.