Dergohet tek Gjykata Themelore për caktimin e masës së paraburgimit ndaj Zëvendësministrit të Zhvillimit Rajonal, Musa Cena, kjo u realizua nga Prokurororia Themelore e Prishtinës.
Musa Cena dhe dy te tjere dyshohen për marrje të ryshfetit nga pala e dëmtuar.
Burime të Indeksonline bëjnë të ditur se pos zv/ministrit Cena, dy të dyshuarit tjerë të këtij rasti janë, Nysret Shala, zyrtarë në Komunën e Rahovecit dhe Hazer Shehu, pronarë i një kompanie private në Kosovë.
Ndërkohë, seanca dëgjimore për Cenën, Shalen dhe Shehun do të mbahet sot pasdite nga gjyqtari Isuf Makolli.
Kërkesa për masën e sigurisë prej një muaj paraburgimi është bërë me qëllim të prezencës së të dyshuarve në procedurën hetimore.
Rikujtojmë, se Cena është zëvendësministër në ministrinë e Zhvillimit Rajonal dhe vie nga partia e kryeministrit të vendit, Ramush Haradinaj (AAK).
