Ngjarja e ndodhur 9 muaj më parë ku u vra lideri i SDPS-së, Oliver Ivanoviç ka mbetur e pa autor. Politikani serb u vra më 16 Janar të vitin 2018 në hyrje të zyrës së tij, në Mitrovicë.
Ditë më parë pala serbe është ankuar se EULEX-i, KFOR-i dhe Policia e Kosovës nuk janë duke shkëmbyer informacione me Prokurorinë për Krim të Organizuar në Serbi. Ministri i Brendshëm serb, Nebojsha Stefanoviç ka thënë se të gjitha këto organe nuk po i japin asnjë informacion. Ndërkohë, prokurori Special, Sylë Hoxha tha sot për lajmi.net se është pala serbe ajo që nuk po shprehet e gatshme për bashkëpunim.
“Pala serbe nuk po shprehet e gatshme për bashkëpunim, dhe nuk kanë shkëmbyer informacione”, ka deklaruar prokurori Hoxha.