Nëse në shumicën e rasteve dhuna në familje vjen tek çiftet që kanë më pak vite, gama e dhunës në familje ka ardhur duke u zgjeruar. Edhe çiftet që kanë shumë vite martesë përballen me këtë fenomen që sa vjen e zgjerohet edhe në Shkodër.
Një 59 vjeç me inicialet S.H ka ushtruar dhunë fizike dhe psikologjike ndaj bashkëshortes së tij, shtetases H.H 65 vjeçe. Çifti nga Shkodra pas një debati mes tyre kanë arritur deri në dhunën fizike e psikologjike ku 59 vjeçari ka goditur bashkëshorten e tij.
Në këtë mënyrë menjëherë gjykata e Shkodrës ka dhënë urdhërin e menjëhershëm të mbrojtjes për shtetasen S.H pas dhunës fizike dhe psikologjike të ushtruar nga bashkëshorti i saj. Ja njoftimi i policisë për këtë rast:
Më datë 19.06.2018, u plotësua kërkesë-padia për lëshimin e urdhrit të mbrojtjes së menjëhershme për shtetasen H.H., vjeçe 65, banuese në Shkodër, pasi dyshohet se bashkëshorti S.H., vjeç 59, ka ushtruar dhunë fizike e psikologjike ndaj saj. Materialet i kaluan Gjykatës së Rrethit Gjyqësor Shkodër. Ligji nr. 9669, datë 18.12.2006, “Për masa ndaj dhunës në marrëdhëniet familjare”.
