Ka pak ditë që ka nisur emisioni “Top Arena” në Top Channel ku përkrahë moderatorit Ed Manushit do të prezantojë Fjoralba Ponari, një prezantuese e re që u komentua gjatë nga mediat, të cilat e krahasuan atë me Marina Vjollcën e cila ka prezantuar “Procesin Sportiv” për shumë vite përkrahë Manushit.
Mirëpo mesa duket këto krahasime nuk i kanë pëlqyer aspak Fjoralbës ,e cila e ftuar ditën e sotme në “Pop Culture” me Dojna Memën ka treguar se nuk ka asnjë arsye se përse ta krahasojnë me Marinën, pasi mes tyre nuk ka asgjë të përbashkët. “Nuk më pëlqen që më krahasojnë me Marinën, nuk kemi asgjë të përbashkët, e vetmja gjë e përbashkët është në lidhje me Manushin që është kimia që dyja çiftet kanë në ekran, domethënë vendi ishte vakant unë nuk zëvendësova asnjë njëri”, është shprehur Fjoralba.
