Një 81-vjeçar është aksidentuar për vdekje nga treni i linjës Fier-Elbasan. Ngjarja ka ndodhur në orët e para të mëngjesit të sotëm, në dalje të Rrogozhinës.
Sipas policisë këmbësori P. V., në momentin e aksidentimit ka qenë duke kaluar shinat e trenit. Ndërkohë shërbimet e policisë dhe drejtuesi i trenit ndodhen në vendngjarje, po kryhen veprimet e mëtejshme hetimore dhe proceduriale.
Në njoftimin e policisë thuhet se: Më datë 07.06.2018, rreth orës 08:30, në dalje të Rrogozhinës treni i linjës “Fier – Elbasan”, ka aksidentuar me pasojë vdekjen këmbësorin P. V., rreth 81 vjeç. Këmbësori P. V., në momentin e aksidentimit ka qenë duke kaluar shinat e trenit. Shërbimet e policisë dhe drejtuesi i trenit ndodhen në vendngjarje, po kryhen veprimet e mëtejshme hetimore dhe proceduriale
