Një i ri në Durrës është transportuar në spital, pasi i ka vënë flakën vetes. Dyshimet janë se 28-vjeçari me iniciale R.P. e kreu aktin në gjendje të rënduar psikologjike.
Zyrtarisht, Policia lokale bëri me dije se: Rreth orës 16:00, në lagjen Nr.1, është vetëdjegur R.P. 28 vjeç, banues në Durrës, i cili ndodhet në Spitalin Rajonal Durrës nën kujdesin e mjekëve.
Nga hetimet paraprake dyshohet se shkak ka qenë gjendja e rënduar psikologjike, njoftoi Policia.
Grupi hetimor po punon për zbardhjen e plotë të shkaqeve të ngjarjes.
