Kryeprokurorja e Përkohshme Arta Marku ka vendosur sot shkarkimin nga detyra të Besim Hajdarmataj, i cili njëkohësisht është edhe prokurori që heton Saimir Tahirin.
Vendimi duket se do të sjellë reagime të shumta politike.
Reagimi i parë ka ardhur nga PD. Nënkryetari i PD-së Edi Paloka ka reaguar me një status në Facebook.
Reagimi i Edi Palokes ne Facebook:
Çështja “u zgjidh”; prokurori i krimeve të rënda që gjashtë muaj më parë kërkoi arrestimin e Tahirit sot, sipas mediave, është shkarkuar .
Gjashtë muaj më parë u sulmuan e kërcënuan nga kazani dhe deputetet e Ramës. I sulmuan si “tropojanë” dhe i kërcënuan publikisht me vettingun. Sot ka ardhur akti i fundit.
Gjithçka e paralajmëruar nga PD po vërtetohet pikë për pikë. Rama kapi prokurorinë pikërisht për të shpëtuar Tahirin dhe kokën e tij.
Vettingu nuk po përdoret për të pastruar drejtësinë, por si mjet presioni ndaj prokurorëve dhe gjyqtarëve.
Ky është fundi…
