Një ngjarje e rëndë ka ndodhur pasditen e sotme në Elbasan, ku një person në gjendje të dehur ka goditur me thikë 4 persona, e më pas është larguar nga vendngjarja për t’i shpëtuar policisë.
Autori i dyshuar, i shpallur në kërkim, është një shtetas me inicialet G.SH.
Të plagosurit janë dërguar në spital për të marrë ndihmë mjekësore.
Bëhet e ditur se ngjarja ka ndodhur në qendër të qytetit të Elbasanit, pranë postës, në një zonë tepër të frekuentuar.
NJOFTIMI I POLICISE
Më datë 06.04.2018 në Lagjen “Syrja Dylgjeri” shtetasi G.Sh në gjendje të dehur në rrugë është konfliktuar dhe dyshohet të ketë goditur me mjet të mprehtë shtetasit:
E.Ç., 44 vjeç, Z.Ç., 19 vjeç, A.S., 42 vjeç dhe U.S., 18 vjeç banues në Elbasan
Të katërt shtetasit ndodhen në spitalin Kirurgjik Elbasan jashtë rrezikut për jetën. Grupi hetimor po punon për kapjen e autorit
