Ne nuk e vlerësuam si duhet këtë fazë. Në fund të shkurtit kemi nisur punën për një pikë të kontratës që bën fjalë për përdoruesit e shpeshtë të rrugës. Kontrata parashikon 6 muaj për këtë pjesë. Ky nuk është justifikim për këtë rast. Ne duhet të ishim shumë të vëmendshëm dhe të bënim shumë shpjegime. Sipas ekspertëve duhen 6 muaj për të vlerësuar fluksin e përdoruesve të shpeshtë. Ne nuk do ta rivendosim funksionimin e sistemit të pagesës përpara pa konkluduar formulën për gjithë zonën. Sepse nuk duam që prapë të biem në kurthin ku ramë nga manipulimi i skajshëm që iu bë kësaj çështje”, tha Rama.
Nga zyra e kryeministrisë kreu i ekzekutivit iu përgjigj edhe kryetarit të Bashkisë së Kukësit, Bashkim Shehu, i cili i bëri thirrje të lironte të arrestuarit.
“Unë nuk e kam takuar kryetarin e Bashkisë së Kukësit për arsyen se ai nuk është distancuar nga dhuna. Dëgjova sot se ka thënë që unë jam tërhequr nga pagesa dhe për këtë më bëri thirrje të liroj 11 të arrestuarit. Thirrja për të liruar këta dhe për të liruar ata është një thirrje që shkon në adresë të gabuar dhe komplet në ajër. Kryetarit të Bashkisë së Kukësit i them sot jo vetëm që nuk jam tërhequr nga procesi, por ky është një proces që duhej bërë më parë”, tha më tej Rama.
Po perse Rama nuk shkoi ti takonte keta qytetaret vandale si i cileson ai, por me keta njerez te varfer qe mezi mbushin barkun me buke dhe nuk e dime a kane nje televizor, Rama i krekosur na shfaqet i shoqeruar nga besniku Gjiknuri per te bere show mw videokonference. Kur donte votat ulej gju me gju me popullin…..
