Kryeministri hungarez Viktor Orban edhe një herë ka akuzuar miliarderin amerikan George Soros për përdorimin e fondeve të tij për të blerë influencë në Bruksel dhe OKB. Akuza e tij vjen pasi ligji për të ndaluar Soros është dorëzuar në Parlamentin hungarez. Legjislacioni i propozuar do t’i mundësonte ministrit të Brendshëm të ndalojë organizatat joqeveritare që inkurajojnë migracionin dhe paraqesin rrezik për sigurinë kombëtare. Radio Sputnik diskutoi këtë çështje me Francesca Totolo, një shkrimtare dhe studiuese e pavarur italiane, e cila ka zbuluar ndërhyrjen e George Soros dhe të Fondacioneve të Shoqërisë së Hapur në politikën italiane.
Sputnik: Kryeministri hungarez tha se rreziku më i madh vjen nga politikanët nga Brukseli, Parisi dhe Berlini, a jeni dakord me këtë?
Francesca Totolo: Frika e Kryeministrit hungarez Orban nuk është e pabazë. Ne e dimë shumë mirë se establishmenti i Brukselit po zbaton politika dritëshkurtra që nuk garantojnë popullsinë evropiane. Duket se Bashkimi Evropian, Komisioni Europian në radhë të parë, është më i orientuar në garantimin e interesave të elitës ndërkombëtare, të cilët janë më të interesuar në uljen e kostove të punës dhe mbrojtjes kontraktuale të punëtorëve, duke lavdëruar patologjitë e qenësishme në globalizëm. Kryeministri Orban duhet të vazhdojë aleancën me Austrinë, në mënyrë që zgjidhjet për refugjatët të mund të ofrohen jashtë Evropës dhe jo aq larg nga vendet e tyre të origjinës.
Sputnik: Me vendet si Hungaria, Polonia, Sllovakia, Republika Çeke dhe Austria duke marrë një qëndrim më të fortë mbi migracionin, çfarë efekti mund të ketë kjo mbi politikën e migrimit të miratuar nga Brukseli? Me numrin e vendeve që kundërshtojnë politikën e migracionit në BE, cilat pasoja mund të ketë ky në bllok?
Francesca Totolo: Për fat të keq nuk mendoj se shtetet e Vishegradit me Austrinë do të jenë të mjaftueshme për të ndryshuar në mënyrë drastike politikën e migracionit evropian. Megjithatë, ata do të jenë në gjendje të frymëzojnë vendet e tjera dhe përfaqësuesit e tyre brenda Parlamentit Europian. Kryeministri Orban mund të bllokojë planin e zhvendosjes së refugjatëve për një periudhë të pacaktuar kohe, duke pritur vitin 2019 kur do të ketë zgjedhje në Parlamentin Europian. Pakënaqësia e madhe, e prekshme edhe në Gjermani dhe Francë, mund të ndryshojë plotësisht përbërjen e parlamentit. Shtetet e Vishegradit, me Austrinë, do të jenë në gjendje të llogarisin më shumë aleatë dhe të ri-diskutojnë politikat dhe rregulloret mbi çështjet e emigracionit, duke pasur një peshë më të madhe në establishmentin e Brukselit.
