Ish-deputeti demokrat ka komentuar sot reagimet e kryeministrit Edi Rama në Kuvend kundër opozitës. Në një koment në Facebook ai shprehet se kryeministri “kishte shumë të drejtë sot kur foli në parlament për zogjtë e korbit”.
Postimi i Astrit Patozit:
“Edi Rama kishte shumë të drejtë sot kur foli në parlament për zogjtë e korbit.
Sepse e tha në të njëjtën ditë që Organizata Transparency International shpalli raportin e shkallëzimit të korrupsionit për vitin 2017, në të cilin Shqipëria e udhëhequr prej tij kishte zbritur plot 8 vende më poshtë.
A nuk ngjet kështu edhe me zogjtë e korbit, që sa më shumë rriten, aq më shumë nxihen?”.
