Nënkryetari i Lëvizjes Socialiste për Integrim, Luan Rama ka reaguar lidhur me procesin e vettingut në radhët e punonjësve të policisë. Përmes një reagimi në rrjeti social “Facebook”, deputeti i LSI thotë se ky proces është i rëndësishëm për të krijuar policinë e ligjit.
“Ndryshe prej policisë që nën moton “Policia që duam”, disa drejtues të saj e shndërruan atë në polici të krimi e korrupsioni”, shkruan deputeti i LSI.
POSTIMI I PLOTE
Vetingu për të gjithë punonjësit e Policisë së Shtetit, nismë e rëndësishme, për të krijuar policinë e ligjit, ndryshe prej policisë që nën moton “Policia që duam”, disa drejtues të saj e shndërruan atë në polici të krimi e korrupsioni; për të krijuar policinë e shërbimit ndaj qytetarëve, ndryshe prej policisë së drejtorëve në kërkim që e bënë atë polici të plantacioneve të kanabisit; për të krijuar policinë e re të Shqipërisë Europiane, ndryshe prej policisë që e urdhëruan të mbushte kapelet me vota të vjedhura!
Të gjithë bashkë për ta bërë policinë, Polici të Shtetit, përmes një procesi vetingu ligjor, institucional dhe transparent!
