Gjate operacioni janë arrestuar 21 shtetas shqiptarë e grekë njëkohësisht në qytete të ndryshme të Greqisë.
Policia greke godet një grup te trafikut ndërkombëtar të drogës nga Shqipëria në Greqi. Grupi trafikonte marijuane përmes kufirit greko-shqiptar ne Igumenicë dhe me pas e transportonte në Athinë. I njëjti grup kryente dhe shpërndarjen e marijuanës por edhe drogave të forta në vende të ndryshme të Greqisë.
Janë sekuestruar 142.5 kg marijuanë, 3.3 kg kokaine, 1 pistoletë dhe 16.756 euro. Këtij grupi në operacione të mëparshme i janë sekuestruar 140 kg marijuanë, 650 gram kokainë dhe 400 gram heroinë, ndërkohë llogaritet që prej shtatorit 2018 ky grup ka arritur të trafikojë e shesë rreth 500 kg marijuanë, 6 kg kokainë dhe 1 kg heroinë.
