Kreu i Grupit Parlamentar të LSI-së Petrit Vasili ka reaguar sërish për protestën e djeshme që organizoi opozita, duke përsëritur edhe njëherë mesazhin e qartë që sipas tij dha ky tubim. Përmes një statusi në faqen e tij të ‘Facebook’-ut Vasili theksoi se populli dje izoloi kryeministrin Edi Rama.
“Kjo ishte një fitore kaq e madhe, që kalon cdo fitore tjetër sepse kryeministri dhe kori i bretkocave, qe kuasin perqark tij kërkonin që Shqipëria të kthehet në një moçal të madh kolektiv ku ata të gjallonin pa siklet dhe pa u dalluar,te ushqyer nga narkothelat dhe ne shërbim te perulur te vetmitarit te madh qe ka zaptuar qeverine.”, shkruan Vasili
MESAZHI I VASILIT
Populli izoloi kryeministrin e vetmuar dhe bretkocat perqark tij.
Protesta vuri perballe nderin e moralin e qytetareve ne njeren ane dhe nga ana tjeter kryeministrin e kriminalizuar, te vetmuar,te izoluar dhe bretkocat vetmitare rreth tij, te shplara nga dinjiteti e qe rrine poshte atleteve te tij vetem per ca para te ndyta me shume.
Morali i qytetareve nga njera ane dhe amoraliteti i kryeministrit u ndane nje here e mire.
Kjo ishte nje fitore kaq e madhe, qe kalon cdo fitore tjeter sepse kryeministri dhe kori i bretkocave,
qe kuasin perqark tij kerkonin qe Shqiperia te kthehet ne nje moçal te madh kolektiv ku ata te gjallonin pa siklet dhe pa u dalluar,te ushqyer nga narkothelat dhe ne sherbim te perulur te vetmitarit te madh qe ka zaptuar qeverine.
Ky eshte hapi me gjigand qe populli beri dje duke e vene qoshe te vetmuar dhe te izoluar kryeministrin dhe bretkocat e tij. Fundi eshte i pashmangshem dhe eshte shume afer….
