Policia e Shtetit ka ndërmarrë një sërë masash për rritjen dhe garantimin e sigurisë në Rrugë. Kështu, gjatë kontrolleve në fundjavë por jo vetëm, Policia Rrugore e Tiranës, ka vijuar kontrollet me Drager e Radar për parandalimin e aksidenteve rrugore. Ndërkohë vetëm brenda 48 orëve policia ka vendosur mbi 1000 gjoba shoferëve, për shkelje të ndryshme të rregullave të qarkullimit rrugor.
Policia njofton se si rezultat i këtyre kontrolleve, janë pezulluar 64 Leje Drejtimi dhe janë arrestuar 8 drejtues mjetesh, nga këta 6 për drejtim mjeti në gjendje të dehur dhe 2 për drejtim mjeti pa Leje Drejtimi.
