Një shpërthim ka ndodhur ditën e sotme në orët e para të mëngjesit në Itali. Shpërthimi ka ndodhur në një pallat pesëkatësh në komunën Sesto San Giavanno në Milano.
Sipas hetimeve rezulton se janë plagosur 6 persona, ku 5 prej tyre janë anëtarët e një familje shqiptare. Shpërthimi ka ndodhur në apartamentin e një 73 vjeçari italian, i cili ka pësuar djegje të rëndë në trup. Banesa e tij është shkatërruar plotësisht.
Në apartamentin ngjitur me të strehohej një familje emigrantësh shqiptarë me 5 anëtarë; një çift i ri në moshën 35 e 32 vjeç, prindërit e njërit prej tyre në moshën 68 e 62 vjeç e djali 10 muajsh.
Nga verifikimet e ditës së sotme, autoritetet italiane kanë evakuuar banorët e pallatit duke i strehuar në një hotel të zonës.
Ende nuk ka një deklaratë zyrtare mbi motivin e këtij shpërthimi por sipas Roberto Di Stefano kryetarit të Bashkisë së komunës Sesto San Giovanni, hetimet e para hedhin dyshimin e shpërthimit të një tubature gazi.”
“Shpërthimi i ngjante një bombe” kanë rrëfyer banorët e pallatit. Ishim në gjumë e na ka trembur shumë.”
