Kryeministri Edi Rama ka zhvilluar një takim pasditen e sotme me ambasadorët e SHBA dhe të Bashkimit Europian në Shqipëri.
Takimi i Ramës me ambasadorin e SHBA, Donald Lu dhe diplomatët e vendeve të BE nisi rreth orës 17:00 dhe përfundoi rreth orës 18:15 minuta.
Në qendër të takimit mes Ramës dhe ambasadorëve ishin objektivat për mandatin e dytë qeverisës.
Kryeministri informoi ambasadorët për prioritetet dhe integrimin në Bashkimin Europian.
Takimi i sotëm ishte vetëm dy ditë para mbledhjes së Kuvendit të ri për konstituimin ditën e shtunë.
