Bisedimet e Brexit do rifillojnë sot në Bruksel.
Negociatorët britanikë po kërkojnë nga BE të tregohet fleksibël.
Sekretari për Brexit, David Davis kërkon të zgjerohet tema e diskutimeve për të përfshirë dhe tregtinë.
Por BE-ja ka kushtëzuar bisedimet në çështjen e të drejtave të qytetarëve, kufirin me Irlandën dhe në faturën e largimit nga BE-ja.
Të dyja palët kanë thënë se nuk ka një konkluzion real për arritjen e një rezultati konkret.
BE-ja akuzon Mbretërinë e Bashkuar se po planifikon të krijojë një kufi të padukshëm me Irlandën.
Nga ana tjetër anglezët thonë se BE-ja këmbëngul në kërkesat financiare.
Mbretëria e Bashkuar është përcaktuar të largohet plotësisht nga Bashkimi Europian në fund të marsit 2019, pas referendumit të një viti më parë.