Policia publikoi pamjet e atentatit të ndodhur të enjten te Komuna e Parisit. Në filmimet e marra nga kamerat e sigurisë së vendosura në rrugë shihet se si Dejvis Rustemaj, i plagosur 3 muaj më parë në një atentat, del nga një makinë BMV X5 dhe i afrohet Mariglen (Lorenc) Hoxhës që ndodhet në një Mercedes të bardhë në krahun e pasagjerit. I hap derën e makinës dhe e qëllon me pistoletë, ndërsa drejtuesi i Mercedesit largohet me shpejtësi, duke i shpëtuar jetën shokut të tij.
Bashkë me Rustemajn (27 vjeç) u arrestua edhe Klajdi Kodra, ( në rolin e bashkëpuntorit ), 27 vjeç, i dënuar më parë për plagosje. U kapën edhe Igler Qose, ( në rolin e bashkëpunëtorit) 26 vjeç, banues në Bulqizë dhe Ardit Xheferri, ( përkrahës i autorit të krimit), 31 vjeç, banues në Tiranë.