Zbulohen fotot e Lorenc V. Hoxhës, i cili mbeti ditën e djeshme i plagosur në mbrëmje nga një shkëmbim zjarri te “Komuna e Parisit” në Tiranë. Hoxha, i cili është jashtë rrezikut për jetën në Spital, duket nga fotot se është i apasionuar pas mjeteve të luksit. Ai ka postuar një sërë fotosh që tregojnë mjetet luksoze. Hoxha ka marrë 1 plumb në shpatull. Ai udhëtonte në mjetin me targë AA777RT. “Panorama” mëson se ka pasur shkëmbim zjarri mes disa makinash. Janë ngritur pika kontrolli në hyrje-dalje të qytetit. Vazhdon krehja e zonës.
Informacioni paraprak nga Policia:
Më datë 03.08.2017, në Numrin e Emergjencave 112, rreth orës 19:55, ka ardhur një telefonatë për shkëmbim zjarri në kryqëzimin e Komunës së Parisit. Në vendngjarje kanë mbërritur shërbimet e policisë dhe ambulanca. Nga hetimet paraprake ka rezultuar se ka pasur një shkëmbim zjarri midis disa mjeteve, ku për pasojë ka mbetur i plagosur në shpatull shtetasi L.H., 24 vjeç, i cili ndodhet në spital nën kujdesin e mjekëve.
