Tre persona janë vënë në pranga nga policia në Kavajë pasi kanë marrë peng për disa orë një 54-vjeçar. Burime nga policia kanë bërë të ditur sot se ngjarja ka ndodhur në plazhin e Spillesë në Kavajë.
Një ditë më parë në plazhin e Spilles, 3 persona në bashkëpunim me njëri-tjetrin, kanë marrë në mjetin tip “Rover”, pa targa, 54-vjeçarin me inicialet A. D., të cilin e kanë dhunuar fizikisht dhe më pas e kanë mbajtur jashtë vullnetin të tij, në vende të ndryshme.
Pas denoncimit mëngjesin e sotëm policia ka bërë të mundur arrestimin e tre të rinjve.
Ata janë: Zaimir Xh., 31 vjeç, Bledar Ç., 32 vjeç dhe Bedri M., 25 vjeç.
Pas arrestimit të tyre, dosja i ka kaluar Prokurorisë së Kavajës, për veprën penale “Heqje paligjshme e lirisë”.
