Inxhinieri elektronik Klajdi Shehu humbi jetën sot në një aksident në Himarë.
Ai humbi kontrollin e motorit, një “Hamer” me targë TR 440 H, duke u përplasur me shtyllën anësore të rrugës.
39-vjeçari është dërguar në Spitalin e Himarës në gjendje të rëndë shëndetësore, por nuk ka mundur t’i mbijetojë plagëve të marra.
Shehu mësohet se prej shumë vitesh jetonte në Tiranë, ku ushtronte profesionin e inxhinierit elektronik, një nga më të mirët e fushës së tij në vend.
Ai ishte shumë i pasionuar pas motorëve, pasion i cili i mori edhe jetën.
Klajdi Shehu ishte i martuar dhe baba i një vajze.
