Mitingu përmbyllës i Partisë Socialiste në Tiranë u karakterizua nga një mbizotërim i ngjyrës së kuqe. Asnjë flamur partie, përveç atij kombëtar.
Madje shumë nga politikanët kishin menduar që edhe të visheshin me ngjyrat kuqezi. Ndërsa Kryeministri Edi Rama ishte me të njëjtën veshje që përdori gjatë gjithë fushatës. Mes ovacioneve dhe euforisë së mitingut, paparaci ynë ishte i gjithi i fokusuar te Rama. Ajo që të binte në sy ishte se Rama nuk ishte shumë rehat.
Bënte ca mimika të çuditshme, si dhe nuk kishte ndonjë dëshirë që të bisedonte me të tjerët. Mbase këto kanë qenë pasojat e lodhjes së një fushate shumë intensive, ku barrën më të rëndë pa dyshim që e kanë liderët.
