Deputetja demokrate e qarkut të Elbasanit Gramshit, Arbjola Halimi nuk u rikandidua për një mandat tjetër nga kreu i PD-së, Lulzim Basha, e me sa duket edhe ajo i është bashkuar kritikëve të tij dhe atyre që e bëjnë përgjegjës për rezultatin në zgjedhjet e 25 qershorit.
Dje menjëherë pas shpalljes së rezultateve të zgjedhjeve, ajo nuk i ka kursyer ironitë për tre deputetë të rinj që do të futen në Kuvend në Shtator.
“Të nderuar demokratë. Në parlament do të keni Nadiren, Fatbardhën dhe Klevisin ndër të tjerë… Opozita e Re Shumëngjyrëshe! Por, kjo nuk ishte kauza”, shkruan ajo