“Po vijnë pushimet e verës dhe ndoshta po planifikoni të lëvizni jashtë vendit”. Tashmë qytetarët kanë një mundësi për të aplikuar për leje qarkullimi ndërkombëtare. Portali qeveritar E-Albania ju vjen në ndihmë të gjithë atyre qytetarëve që do të dalin jashtë Shqipërisë me makinë.
“Leja ndërkombëtare e qarkullimit është e domosdoshme në këto raste dhe për të, mund të aplikohet online në portal, duke kryer edhe pagesën përkatëse. Pasi të jeni regjistruar/loguar në E-Albania, kërkoni shërbimin “Aplikim për leje qarkullimi ndërkombëtare”( https://e-albania.al/sherbimi.aspx?kodi=5019) dhe ndiqni hapat përkatës. Më pas duhet vetëm të tërhiqni dokumentin pranë zyrave rajonal të transportit. Thjeshtojini gjërat! Aplikoni në E-Albania!Ky është një shërbim elektronik, i cili u mundëson qytetarëve/bizneseve të aplikojnë online për leje qarkullimi ndërkombëtare, si dhe të paguajnë online koston përkatëse të aplikimit.
“Aplikim për leje qarkullimi ndërkombëtare” është një shërbim elektronik, i cili u mundëson qytetarëve/bizneseve të aplikojnë online, si dhe të kryejnë online pagesën përkatëse të aplikimit për pajisjen me leje qarkullimi ndërkombëtare. Marrja e lejeve ndërkombëtare të qarkullimit mbështetet në:
– Ligji nr. 8378, datë 22.07.1998, Kodi Rrugor (i ndryshuar)
– VKM nr. 153, datë 04.07.2000, Rregullore në zbatim të Kodit (i ndryshuar)
Dokumentacioni i nevojshëm
Dokumente që ju nevojiten për të marrë shërbimin online:
– Dokument i identifikimit të përdoruesit; kartë identiteti ose pasaportë biometrike (i nevojshëm për t’u loguar në portalin e-Albania).
Dokumente që duhet të dorëzoni në sportelet e drejtorive rajonale:
– Leja e qarkullimit kombëtare
– Dokument identifikimi
Hapat e procedurës
Për të marrë shërbimin:
– Regjistrohuni si qytetar ose si biznes në portal
– Zgjidhni shërbimin “Aplikimi dhe publikimi i të dhënave të lejes së qarkullimit ndërkombëtare”
– Klikoni butonin” Përdor”
– Aplikoni për leje qarkullimi ndërkombëtare
– Kryeni pagesën e aplikimit, duke ndjekur hapat për të kryer pagesën online
– Paraqituni pranë sporteleve të drejtorive rajonale për dorëzimin e dokumenteve përkatëse dhe për tërheqjen e lejes.
Koha e marrjes së shërbimit do të jetë menjëherë ndërkohë kostoja për kryerjen e procedurës është 500 lekë.
