Akuza të forta nga çadra e protestës nga kryedemokrati Lulzim Basha në kulmin e audiencës të “ER Tv” “televizionit” të Ramës, aty ku po transmetohen pamjet e mitingut me mijëra pjesëmarrës në sheshin “Skënderbej”.
Basha ka deklaruar se janë dy magazina droge, një në Manzë dhe një në Ishëm, për të cilat kanë dijeni vetë ai, kryeministri Rama, ish-ministri i Brendshëm dhe ministri i ri i Brendshëm.
Basha ka zbuluar edhe emrin e “pronarit” që sipas tij është Perlat Cullaj, kreu i policisë së Durrësit.
“Sot që flasim kam marrë mesazhe nga zyrtarë të policisë së shtetit që tregojnë se sa e rëndë është gjendja e drogës në vend. E di unë, e di ai (për Ramën), ministri i Brendshëm se mu në Manzë, 30 kilometra nga këtu ka një magazinë me 100 ton drogë, e mbron Perlat Cullaj që e ka emrin në listën e cdo agjencie ligjzbatuese ndërkombëtare, e di unë, e di ky (për Ramën) ministri, ish ministri por s’kanë guxim se s’janë këta bosët e Perlatit por është Perlati dhe droga bosët e këtyre.
Një magazinë tjetër me 20 ton drogë ndodhet në Ishëm. Për sot po e mbyll me këyto dy magazina”, u shpreh Basha.