Këngëtarja e njohur e skenës sonë Irma Libohova pak ditë më parë humbi bashkëshortin, me të cilin ndanin gati 30 vite martesë.
Një humbje e madhe për Irmën, e cila duket se po kalon momente të vështira, gjë që e shprehu edhe në rikthimin e saj në skenë, teksa me lot në sy nga teatri “Petro Marko” i dedikoi të shoqit një nga këngët e tij të preferuara, “Një jetë me ty”.
Megjithatë këto ditë këngëtarja është treguar e kujdesshme që të falenderojë të gjithë miqtë, që i janë gjendur pranë në momente si këto. Përmes një postimi në Instagram, Irma i ka falënderuar ata përulësisht.
Në foton ku shihet një zemër e kuqe dhe një qiri i ndezur ajo shkruan: Për ju miq, që më jeni gjendur pranë me ngushëllimet tuaja.
