Kryeministri Edi Rama ka komentuar nga studio e gazetares Eni Vasili edhe per kandidaturen e Fatmir Xhafajt si ministër i Brendshëm teksa mbi te kane renduar disa akuza publike per tortura ne kohen e Komunizmit.
Per keto, Rama u shpreh: “Është si të më pyesni mua a jeni i sigurt që nuk jeni i droguar? Duhet të më provoni që jam i droguar”.
“Njerëzit nuk mund të akuzohen dhe më pas tu thuhet prokurorëve që akuza ime nuk është e vërtetë. Xhafa ka udhëhequr reformën në drejtësi dhe gëzon gjithë respektin e mbështetjen time dhe të atyre që gjykojnë nga veprat dhe nuk gjykojnë nga paga. Nuk ka pasur ndikim nga SHBA dhe nga askush për zgjedhjen e Xhafës”, – u shpreh ndër të tjera Kryeministri.